Kadın Kaynak Merkezi Başkanı Ayan Qurbanova:8 Mart – Qadının Gücü, Zəkası və Ümidinin Bayramı

8 Mart – Beynəlxalq Qadınlar Günü təkcə təqvimdə qeyd olunan bir tarix deyil. Bu gün qadının cəmiyyətdəki rolunun, onun zəhmətinin, fədakarlığının, zəkasının və gücünün dəyərləndirildiyi xüsusi bir gündür.

Qadın həyatın hər sahəsində – ailədə, cəmiyyətdə, elm və biznesdə, dövlət və hüquq sahəsində böyük rol oynayır. O, həm ana olaraq bir nəsli böyüdür, həm də peşəkar olaraq cəmiyyətin inkişafına töhfə verir. Qadının gücü yalnız mərhəmətində və qayğısında deyil, həm də qərar vermək bacarığında, məsuliyyətində və dəyişiklik yaratmaq iradəsindədir.

Bu gün dünyada və ölkəmizdə minlərlə qadın öz əməyi, biliyi və iradəsi ilə yeni yollar açır, stereotipləri qırır və gələcək nəsillər üçün nümunə olur. Qadınların hüquqi, sosial və iqtisadi baxımdan güclənməsi isə daha ədalətli və inkişaf etmiş cəmiyyətin qurulmasının əsas şərtlərindən biridir.

Bu əlamətdar gün münasibətilə bütün qadınları ürəkdən təbrik edir, hər birinə sağlamlıq, sevgi, uğur və ilham dolu həyat arzulayıram. Qoy qadınların səsi, fikri və gücü cəmiyyətimizdə hər zaman eşidilsin və dəyərləndirilsin.

Bayramınız mübarək, əziz qadınlar!